കോഴിക്കോട്: സുപ്രഭാതം സര്‍ക്കുലേഷന്‍ മാനേജര്‍ ഭാസ്‌കരന്‍ ചേലേമ്പ്ര 21ാം സാഹിത്യഭൂമി ചെറുകഥാ പുരസ്‌കാരവും പ്രശസ്തി പത്രവും എം.എല്‍.എ പി. ഉബൈദുള്ളയില്‍ നിന്നും ഏറ്റുവാങ്ങി. അടയാളങ്ങള്‍ എന്ന ചെറുകഥയ്ക്കാണ് സാഹിത്യഭൂമി പുരസ്‌കാരം നല്‍കിയത്.

കേരള സാഹിത്യ അക്കാഡമി അവാര്‍ഡ് ജേതാവും ചെറുകഥാകൃത്തുമായ പ്രമോദ് മണ്ണില്‍ തൊടികയെ ചടങ്ങില്‍ പൊന്നാട അണിയിച്ച് ആദരിച്ചു.

ഹനീഫ രാജാജി അധ്യക്ഷത വഹിച്ചു. റാഫ് സംസ്ഥാന പ്രസിഡന്റ് കെ.എം അബ്ദു, മലപ്പുറം നഗരസഭാ കൗണ്‍സിലര്‍ ഹാരിഫ് ആമിയന്‍, ഫ്രാന്‍സിസ് ഓണാട്ട്( മംഗളം മലപ്പുറം ലേഖകന്‍) ജില്ലാ സാക്ഷരതാ മിഷന്‍ കോര്‍ഡിനേറ്റര്‍ പി.വി ശാസ്താ പ്രസാദ്. എ.ടി സെയ്തലവി എന്നിവര്‍ പ്രസംഗിച്ചു.

ഭാസ്‌കരന്‍ ചേലേമ്പ്രയും പ്രമോദ് മണ്ണില്‍തൊടികയും മറുപടി പ്രസംഗം നടത്തി.