സിദ്ധാപേട്ട്: സംസ്ഥാന സര്‍ക്കാരിന്റെ കാര്‍ഷിക വിരുദ്ധ നടപടികളില്‍ പ്രതിഷേധിച്ച് കര്‍ഷകര്‍ പ്രക്ഷോഭത്തിന് ഒരുങ്ങുന്നു. കാര്‍ഷിക മേഖലയെ പ്രതികൂലമായി ബാധിക്കുന്ന തരത്തില്‍ റിസര്‍വോയര്‍ പദ്ധതി നടപ്പാക്കാനുള്ള തീരുമാനമാണ് കര്‍ഷകര്‍ക്കിടയില്‍ പ്രതിഷേധത്തിന് ഇടയാക്കുന്നത്. വാറങ്കലിലെ കൊണ്ടപഞ്ചമ റിസര്‍വോയര്‍ പദ്ധതിക്കുവേണ്ടി കൃഷി ഭൂമി ഏറ്റെടുക്കാനാണ് സര്‍ക്കാര്‍ നീക്കം നടത്തുന്നത്. എന്നാല്‍ ഉപജീവനമാര്‍ഗം ഇല്ലാതാക്കുന്ന തരത്തിലുള്ള സര്‍ക്കാര്‍ നീക്കത്തെ അംഗീകരിക്കില്ലെന്ന് വ്യക്തമാക്കിയാണ് കര്‍ഷകര്‍ പ്രക്ഷോഭത്തിനൊരുങ്ങുന്നത്.