കൊച്ചി: കടവന്ത്ര റീജ്യനല്‍ സ്‌പോര്‍ട്‌സ് സെന്ററിലെ പ്രകാശ് പദുക്കോണ്‍ ആകാശ കോര്‍ട്ടില്‍ നടന്ന ഓള്‍ കേരള ഓപണ്‍ പ്രൈസ് മണി ടേബിള്‍ ടെന്നീസ് ചാംപ്യന്‍ഷിപ്പില്‍ സോഹം ഭട്ടാചാര്യക്ക് ട്രിപ്പിള്‍ കിരീടം. ആലപ്പുഴ ടേബിള്‍ ടെന്നീസ് അക്കാദമിയിലെ താരമായ സോഹം ഭട്ടാചാര്യ പുരുഷ വിഭാഗം, യൂത്ത് ബോയ്‌സ് ഫൈനലുകളിലാണ് വിജയിച്ചത്. കഴിഞ്ഞ ദിവസം ജൂനിയര്‍ കിരീടവും സോഹം നേടിയിരുന്നു. യൂത്ത് ബോയ്‌സ് ഫൈനലില്‍ ആര്‍.എസ്.സിയുടെ ഗോവിന്ദ് അനൂപിനെയും പുരുഷ വിഭാഗം ഫൈനലില്‍ തിരുവനന്തപുരത്തിന്റെ സെന്തില്‍കുമാറിനെയുമാണ് സോഹം കീഴടക്കിയത്. വനിത വിഭാഗത്തില്‍ എസ്.ഡി.വി ടേബിള്‍ ടെന്നീസ് അക്കാദമിയുടെ സെറ ജേക്കബ് ഡബിള്‍ കിരീടവും നേടി. വനിത വിഭാഗത്തിലും യൂത്ത് ഗേള്‍സ് വിഭാഗം ഫൈനലിലും സഹ താരമായ മരിയ റോണിയെയാണ് സെറ ജേക്കബ് പരാജയപ്പെടുത്തിയത്.