കണ്ണൂര്‍: ബാറുകളുടെ ദൂരപരിധി ആരാധനാലയങ്ങളില്‍ നിന്നും വിദ്യാഭ്യാസ സ്ഥാപനങ്ങളില്‍ നിന്നും 50 മീറ്ററാക്കി കുറച്ചിട്ടില്ലെന്ന് എക്‌സൈസ് കമ്മിഷണര്‍ എം. ഋഷിരാജ് സിങ് പറഞ്ഞു.
അത്തരം ഒരു ചര്‍ച്ച പോലും സര്‍ക്കാര്‍ നടത്തിയിട്ടില്ല. ഫൈവ് സ്റ്റാര്‍ ഹോട്ടലുകളുടെ ദൂരപരിധി കുറക്കാന്‍ എക്‌സൈസ് സര്‍ക്കാരിനോട് ശുപാര്‍ശ ചെയ്തിരുന്നു. അതിലും തീരുമാനം ആയിട്ടില്ല. ശുപാര്‍ശ മാത്രമാണ് ഇപ്പോള്‍ സര്‍ക്കാരിന്റെ മുന്‍പിലുള്ളത്.
നിയമഭേദഗതി കൊണ്ടുമാത്രമെ ദൂരപരിധി കുറക്കാന്‍ കഴിയൂവെന്നും അദ്ദേഹം കണ്ണൂരില്‍ മാധ്യമ പ്രവര്‍ത്തകരോട് പറഞ്ഞു.