മംഗളൂരു: ഗുജറാത്ത് മോഡലല്ല രാജ്യത്തിന് വേണ്ടതെന്ന് കര്‍ണാടക പി.സി.സി. വര്‍ക്കിങ് പ്രസിഡന്റ് ദിനേഷ് ഗുണ്ടുറാവു.
കോര്‍പ്പറേറ്റുകളുടെ മാത്രം വളര്‍ച്ചയും, കലാപവും കൂട്ടക്കൊലയും ദലിത് പീഡനവുമാണ് പ്രധാനമന്ത്രി നരേന്ദ്രമോദി മുന്നോട്ടുവയ്ക്കുന്ന ഗുജറാത്ത് മോഡല്‍. എന്നാല്‍ മികച്ച പ്രകടനം കാഴ്ചവെയ്ക്കുന്ന കര്‍ണാടകമാണ് പുതിയ വികസന മോഡലെന്നും അദ്ദേഹം വ്യക്തമാക്കി. കോണ്‍ഗ്രസ് സംഘടിപ്പിക്കുന്ന 'മനേ മനേഗെ കോണ്‍ഗ്രസ്' (വീടുവീടാന്തരം കോണ്‍ഗ്രസ്) പ്രചാരണപരിപാടി മംഗളൂരുവില്‍ ഉദ്ഘാടനം ചെയ്യുകയായിരുന്നു അദ്ദേഹം.