പാരിസ്: ഫ്രാന്‍സ്, മാര്‍സിലേയിലെ മധ്യധരണ്യാഴി തുറമുഖ നഗരത്തിലുണ്ടായ കത്തി ആക്രമണത്തില്‍ രണ്ടു പേര്‍ കൊല്ലപ്പെട്ടു. കൊല്ലപ്പെട്ടവരില്‍ ഒരു സ്ത്രീയുമുണ്ട്. ഇവിടെ റെയില്‍വ്വേ സ്‌റ്റേഷനിലാണ് ആക്രമണമുണ്ടായത്. അക്രമിയെ പൊലിസ് വെടിവച്ചു കൊന്നു.

അതേസമയം, കാനഡയിലും സമാനമായ ആക്രമണമുണ്ടായി. എഡ്മോണ്‍ഡണിലുണ്ടായ ആക്രമണത്തില്‍ അഞ്ചു പേര്‍ക്ക് പരുക്കുണ്ട്. ഫുട്‌ബോള്‍ മത്സരം നടക്കുന്നതിനിടെ സ്റ്റേഡിയത്തിലേക്ക് വാഹനങ്ങളുടെ ട്രാഫിക്ക് നിയന്ത്രിക്കുന്നതിനിടെ വാനിലെത്തിയയാള്‍ കാല്‍നടയാത്രക്കാരെ ഇടിച്ചിടുകയും കത്തിയാക്രമണം നടത്തുകയുമായിരുന്നു. ആക്രമണം നടത്താനുപയോഗിച്ച വാഹനത്തില്‍ നിന്ന് ഐ.എസിന്റെ പതാക കണ്ടെത്തിയെന്ന് പൊലിസ് അറിയിച്ചു.