പാരീസ്: ഫ്രാന്‍സിലും കാനഡയിലും മണിക്കൂറുകളുടെ വ്യത്യാസത്തിലുണ്ടായ കത്തിയാക്രമണത്തില്‍ രണ്ടു മരണം.
ഫ്രാന്‍സിലെ മാഴ്‌സല്ലെ റെയില്‍വേ സ്റ്റേഷനിലും കാനഡയിലെ എഡ്‌മോണ്‍ടണിലുമാണ് ആക്രമണങ്ങള്‍ നടന്നത്. ഫ്രാന്‍സിലെ ആക്രമണത്തില്‍ രണ്ടു സ്ത്രീകളാണ് കൊല്ലപ്പെട്ടത്. അക്രമിയെ സുരക്ഷാ സേന വെടിവച്ച് കൊലപ്പെടുത്തി.
കാനഡയിലെ എഡ്മണ്ടന്‍ സിറ്റിയില്‍ ട്രാഫിക് പൊലിസ് ഉദ്യോഗസ്ഥന് നേരെയാണ് കത്തിയാക്രമണം ഉണ്ടായത്.
അഞ്ചു പേര്‍ക്ക് പരുക്കേറ്റിട്ടുണ്ട്. ഫുട്‌ബോള്‍ മത്സരം നടക്കുന്നതിനിടെ സ്റ്റേഡിയത്തിലേക്ക് വാഹനങ്ങളുടെ ട്രാഫിക്ക് നിയന്ത്രിക്കുന്നതിനിടെ വാനിലെത്തിയയാള്‍ കാല്‍നടയാത്രക്കാരെ ഇടിച്ചിടുകയും കത്തിയാക്രമണം നടത്തുകയുമായിരുന്നു. ആക്രമണം നടത്താനുപയോഗിച്ച വാഹനത്തില്‍ നിന്ന് ഐ.എസിന്റെ പതാക കണ്ടെത്തിയെന്ന് പൊലിസ് അറിയിച്ചു.