കയ്പമംഗലം:   ഭാരതീയം ചരിത്ര സ്മൃതി യാത്രയുടെ സമാപന സമ്മേളനം നാളെ മൂന്നുപീടികയില്‍ നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.  നാളെ വൈകീട്ട് അഞ്ചു മണിക്ക് പാണക്കാട് സാദിഖലി ശിഹാബ് തങ്ങള്‍ സമാപന സമ്മേളനം ഉദ്ഘാടനം ചെയ്യും. ഇ.ടി ടൈസന്‍ മാസ്റ്റര്‍ എം.എല്‍.എ അധ്യക്ഷനാവും. കൃഷി വകുപ്പ് മന്ത്രി അഡ്വ. വി.എസ് സുനില്‍ കുമാര്‍ മുഖ്യാതിഥിയാകും. സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ അംഗം എം.എം മുഹിയുദ്ദീന്‍ മുസ്‌ലിയാര്‍, തൃശൂര്‍ അതിരൂപതാ മെത്രാന്‍ മാര്‍ റാഫേല്‍ തട്ടില്‍, ഗുരുവായൂര്‍ തന്ത്രി ചേന്നാസ് ദിനേശന്‍ നമ്പൂതിരിപ്പാട് എന്നിവര്‍ അനുഗ്രഹ പ്രഭാഷണം നടത്തും. പ്രൊഫ. കെ.യു അരുണന്‍ എം.എല്‍.എ, സിദ്ദീഖ് ബദരി, ഓണമ്പിള്ളി മുഹമ്മദ് ഫൈസി, ബഷീര്‍ ഫൈസി ദേശമംഗലം, അബ്ദു സമദ് പൂക്കോട്ടൂര്‍ തുടങ്ങീ നിരവധി പേര്‍ ചടങ്ങില്‍ പങ്കെടുക്കും. സ്വാഗത സംഘം ഭാരവാഹികളായ ഫൈസല്‍ ബദരി, കെ.എസ്.ഷിഹാബുദ്ദീന്‍, കെ.എച്ച്.ആഷിഫ്, നിഷാദ് കൊള്ളിക്കത്തറ, തൗഫീക്ക് വാഫി എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.