ദേശമംഗലം: എസ്.കെ.എസ്.എസ്.എഫ് തൃശൂര്‍ ജില്ലാ കമ്മിറ്റി സംഘടിപ്പിക്കുന്ന ഭാരതീയം ചരിത്ര സ്മൃതി യാത്രക്ക് ഇന്ന് വൈകിട്ട് 6 30ന് ദേശമംഗലത്ത് സ്വീകരണം നല്‍കും. ഉച്ചയ്ക്ക് പഴയന്നൂരില്‍ നടക്കുന്ന സ്വീകരണ സമ്മേളനത്തിന് ശേഷം ജാഥാ നായാകരെ  വാഹനങ്ങളുടെ അകമ്പടിയോടെ സ്വീകരണ വേദിയിലേക്ക് ആനയിക്കും. പാണക്കാട് സയ്യിദ് മുനവ്വറലി ശിഹാബ് തങ്ങള്‍ സമ്മേളനം ഉദ്ഘാടനം ചെയ്യും. വി.ടി ബല്‍റാം എം.എല്‍.എ മുഖ്യാതിഥിയാകും. സ്വാഗതസംഘം ചെയര്‍മാര്‍ യു.ആര്‍ പ്രദീപ് എം.എല്‍.എ അധ്യക്ഷനാകും. ജില്ലാ പ്രസിഡന്റ് സിദ്ദീഖ് ബദ്‌രി ദേശീയോദ്ഗ്രഥന പ്രതിജ്ഞ ചൊല്ലിക്കൊടുക്കും. ജില്ലാ സെക്രട്ടറി ഷെഹീര്‍ ദേശമംഗലം ജാഥാ നായകരെ പരിചയപ്പെടുത്തും. ഓണമ്പിള്ളി മുഹമ്മദ് ഫൈസിയും ബഷീര്‍ ഫൈസി ദേശമംഗലവും പ്രമേയ പ്രഭാഷണം നടത്തും.
പഴയന്നൂര്‍: ഓണമ്പിള്ളി മുഹമ്മദ് ഫൈസിയുടെയും ബഷീര്‍ ഫൈസിയുടെയും നായകത്വത്തില്‍ എസ്.കെ.എസ്.എസ്.എഫ് തൃശൂര്‍ ജില്ലാ കമ്മിറ്റി സംഘടിപ്പിക്കുന്ന ഭാരതീയം ചരിത്ര സമൃതി യാത്രക്ക് ഇന്ന് ഉച്ചക്ക് മൂന്നുമണിക്ക് പഴയന്നൂര്‍ അമ്പലനടയില്‍ ഉജ്ജ്വ സ്വീകരണം നല്‍കും.  
ഉച്ചക്ക് രണ്ടു മണിക്ക് നടക്കുന്ന കാളിയാറോഡ് മഖാം സിയാറത്തിന് ശേഷം ജാഥാ നായാകരെ നിരവധി വാഹനങ്ങളുടെ അകമ്പടിയോടെ സ്വീകരണ വേദിയിലേക്ക് ആനയിക്കും. സുപ്രഭാതം സി.ഇ.ഒ മുസ്തഫ മാസ്റ്റര്‍ മുണ്ടുപാറ സമ്മേളനം ഉദ്ഘാടനം ചെയ്യും. ജില്ലാ പഞ്ചായത്ത് മെമ്പര്‍ മേണുമേനോന്‍ മുഖ്യാതിഥിയാകും. സ്വാഗതസംഘം ചെയര്‍മാര്‍ പഴയന്നൂര്‍ റെയ്ഞ്ച് പ്രസിഡന്റ് ഹനീഫ അന്‍വരി അധ്യക്ഷനാകും.
ജില്ലാ പ്രസിഡന്റ് സിദ്ദീഖ് ബദ്‌രി ദേശീയോദ്ഗ്രഥന പ്രതിജ്ഞ ചൊല്ലിക്കൊടുക്കും. ജില്ലാ സെക്രട്ടറി ഷെഹീര്‍ ദേശമംഗലം ജാഥാ നായകരെ പരിചയപ്പെടുത്തും. ഓണമ്പിള്ളി മുഹമ്മദ് ഫൈസിയും ബഷീര്‍ ഫൈസി ദേശമംഗലവും പ്രമേയ പ്രഭാഷണം നടത്തും.