ചേലക്കര: കേരള ജേണലിസ്റ്റ് യൂനിയന്‍ മേഖലാ സമ്മേളനം ചേലക്കരയില്‍ നടന്നു. സംസ്ഥാന ട്രഷറര്‍ ഇ.എം ബാബു ഉദ്ഘാടനം ചെയ്തു. പ്രസിഡന്റ് എം.അരുണ്‍കുമാര്‍ അധ്യക്ഷനായി. സെക്രട്ടറി സ്റ്റാന്‍ലി.കെ.സാമുവല്‍ പ്രവര്‍ത്തന റിപ്പോര്‍ട്ട് അവതരിപ്പിച്ചു. ജില്ലാ സെക്രട്ടറി എം.വി ഷക്കീര്‍ മുഖ്യപ്രഭാഷണം നടത്തി.
എം.ആര്‍ സജി, സുബിന്‍ ചെറുതുരുത്തി, ഗോപി ചക്കുന്നത്ത്, കെ.ജയകുമാര്‍ തുടങ്ങിയവര്‍ സംസാരിച്ചു. ഓഗസ്റ്റ് 17 ന് പതാകദിനം ആചരിക്കുവാനും, ജില്ലാ സംസ്ഥാന സമ്മേളനത്തോടനുബന്ധിച്ചുള്ള വാഹനപ്രചാരണ ജാഥക്ക് ചേലക്കരയില്‍ നല്‍കുന്ന സ്വീകരണം വിജയിപ്പിക്കുവാനും തീരുമാനിച്ചു. പ്രാദേശിക മാധ്യമ പ്രവര്‍ത്തകര്‍ക്ക് സംസ്ഥാന സര്‍ക്കാര്‍ ബജറ്റില്‍ പ്രഖ്യാപിച്ച ക്ഷേമനിധി ഉടന്‍ പ്രാബല്യത്തില്‍ കൊണ്ടുവരാന്‍ സര്‍ക്കാരിനോട് ആവശ്യപ്പെടുവാനും സമ്മേളനം പ്രമേയത്തിലൂടെ ആവശ്യപ്പെട്ടു. 2016 - 17 വര്‍ഷത്തെ പുതിയ ഭാരവാഹികളായി എം.അരുണ്‍കുമാര്‍ (പ്രസിഡന്റ്), സ്റ്റാന്‍ലി.കെ.സാമുവല്‍ (സെക്രട്ടറി), റിന്‍സണ്‍ വര്‍ഗ്ഗീസ് (ട്രഷറര്‍), ഒ.എസ് സിബി പഴയന്നൂര്‍, കെ.പി മണികണ്ഠന്‍ (വൈസ് പ്രസിഡന്റുമാര്‍), കെ.ജയകുമാര്‍ പാഞ്ഞാള്‍, പി.എസ് മൊയ്തീന്‍കുട്ടി(ജോയിന്റ് സെക്രട്ടറിമാര്‍), എം.ആര്‍ സജി, സുബിന്‍ ചെറുതുരുത്തി(ജില്ലാ കമ്മറ്റിയംഗം), ഗോപി ചക്കുന്നത്ത്, മണി ചെറുതുരുത്തി (നിര്‍വ്വാഹക സമിതിയംഗം) എന്നിവരെ തിരഞ്ഞെടുത്തു.