കൊച്ചി: നടിയെ ആക്രമിച്ച കേസില്‍ ഏഴാംപ്രതി ചാര്‍ലി രഹസ്യമൊഴി നല്‍കി.
നടന്‍ ദിലീപിനെതിരേ മൊഴി നല്‍കിയതായാണ് സൂചന. കേസിലെ മുഖ്യപ്രതി പള്‍സര്‍ സുനിക്ക് കോയമ്പത്തൂരില്‍ ഒളിവില്‍ കഴിയാന്‍ സൗകര്യമൊരുക്കിയതിനാണ് ചാര്‍ലി അറസ്റ്റിലായത്.
നടിക്കെതിരേയുള്ള ആക്രമണം നടന്‍ ദിലീപിന്റെ ക്വട്ടേഷനായിരുന്നുവെന്ന് പള്‍സര്‍ സുനി തന്നോട് പറഞ്ഞെന്ന് നേരത്തേ അന്വേഷണസംഘത്തോട് ചാര്‍ലി പറഞ്ഞിരുന്നു. ഒന്നരക്കോടി രൂപയ്ക്കാണ് ക്വട്ടേഷന്‍ ഉറപ്പിച്ചതെന്നും സുനി പറഞ്ഞതായി ചാര്‍ലി വെളിപ്പെടുത്തിയിരുന്നു. കേസില്‍ ഏഴാംപ്രതിയായ ചാര്‍ലിയെ മാപ്പുസാക്ഷിയാക്കാമെന്ന വാഗ്ദാനം പൊലിസ് നല്‍കിയിട്ടുണ്ട്. ഇതേതുടര്‍ന്നാണ് ചാര്‍ലി കോടതി മുന്‍പാകെ രഹസ്യമൊഴി നല്‍കിയതെന്നാണ് അറിയുന്നത്.