മുസഫര്‍നഗര്‍: ഭര്‍ത്താവിന്റെയും കുട്ടിയുടെയും മുന്‍പില്‍ വച്ച് ഭാര്യയെ കൂട്ടബലാത്സംഗം ചെയ്തു. ഉത്തര്‍പ്രദേശിലെ മുസഫര്‍നഗറിലാണ് സംഭവം. നാലു പേര്‍ ചേര്‍ന്ന് 25കാരിയായ യുവതിയെ ഭര്‍ത്താവിനെയും മൂന്നു മാസം പ്രായമായ കുഞ്ഞിനെയും കൊല്ലുമെന്ന് ഭീഷണിപ്പെടുത്തി ഗണ്‍ പോയിന്റില്‍ നിര്‍ത്തിയാണ് പീഡനത്തിരയാക്കിയത്.

ബൈക്കിലെത്തിയ നാല്‍വര്‍സംഘം യുവതിയെ സമീപത്തുള്ള കരിമ്പിന്‍ പാടത്തേക്ക് കൊണ്ടുപോയി പീഡനത്തിനിരയാക്കുകയായിരുന്നു. തട്ടിക്കൊണ്ടുപോകുന്നതിന് മുമ്പ് അവര്‍ ഭര്‍ത്താവിനെ കെട്ടിയിടുകയും കുഞ്ഞിനെ കൊല്ലുമെന്ന് ഭീഷണിപ്പെടുത്തുകയും ചെയ്തുവെന്ന് പീഡനത്തിരയായ യുവതി പറഞ്ഞതായി പൊലിസ് ഉദ്യോഗസ്ഥനായ അജയ് സഹ്‌ദേവ് പറഞ്ഞു.

പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്തിട്ടുണ്ടെന്നും അന്വേഷണം പുരോഗമിക്കുകയാണെന്നും അധികൃതര്‍ അറിയിച്ചു.