നടുവണ്ണൂര്‍: ഗ്രാമപഞ്ചായത്തിലെ 16-ാം വാര്‍ഡില്‍പ്പെട്ട കല്ലിടുക്കില്‍, നടുപ്പറമ്പില്‍ അങ്കണവാടി, അറഫത്താഴ, ചെന്മലപ്പുറം, വട്ടക്കണ്ടി പുറായി, ഇട്ടു മര്‍കണ്ടിമുക്ക് എലങ്ക മല്‍, പാലാച്ചിത്താഴ തുടങ്ങിയ പ്രദേശങ്ങളില്‍ സ്ട്രീറ്റ് ലൈറ്റുകള്‍ സ്ഥാപിക്കണമെന്ന് വാര്‍ഡ് ഗ്രാമസഭാ യോഗം ആവശ്യപ്പെട്ടു. ജില്ലാ പഞ്ചായത്ത് മെമ്പര്‍ ശ്രീജ പുല്ലിരിക്കല്‍ ഉദ്ഘാടനം ചെയ്തു.
വാര്‍ഡ് മെമ്പര്‍ സമീറ പറമ്പില്‍വളപ്പില്‍ അധ്യക്ഷയായി. ഒ.കെ സബിത പദ്ധതി വിശദീകരിച്ചു. രാമചന്ദ്രന്‍ പരപ്പില്‍ റിപ്പോര്‍ട്ട് അവതരിപ്പിച്ചു. ബ്ലോക്ക് മെമ്പര്‍ കെ.കെ ഷൈമ, മെമ്പര്‍മാരായ പി. കുമാരന്‍, സി.പി പ്രദീപന്‍, വാര്‍ഡ് കണ്‍വീനര്‍ കെ.ടി.കെ റഷീദ്, ആര്‍.കെ താഹിറ സംസാരിച്ചു.