കൊല്ലം: കേരളത്തിന്റെ സാസ്‌കാരിക മൂല്യങ്ങളേയും ആരോഗ്യ പ്രവര്‍ത്തനങ്ങളേയും പ്രശംസിച്ച് രാഷ്ട്രപതി രാം നാഥ് കോവിന്ദ്. അമൃതാനന്ദമയീ മഠത്തില്‍ ജീവാമൃതം പദ്ധതി ഉദ്ഘാടനം ചെയ്യുകയായിരുന്നു അദ്ദേഹം. ആദി ശങ്കരന്‍, അയ്യങ്കാളി, ശ്രീ നാരായണ ഗുരു തൂടങ്ങിയവരുടെ പ്രവര്‍ത്തനങ്ങള്‍ ആണ് കേരളത്തിന്റെ സാംസ്‌കാരി ഉന്നതിക്ക് കാരണമെന്ന് അദ്ദേഹം ചൂണ്ടിക്കാട്ടി.

മഠത്തിന്റെ ആരോഗ്യ സാംസ്‌കാരിക രംഗങ്ങളിലുള്ള സേവനത്തേയും അദ്ദേഹം പ്രശംസിച്ചു. രാഷ്ട്രപതിയായ ശേഷം ഡല്‍ഹിക്കു പുറത്ത് , ഇന്ത്യയില്‍ താന്‍ പങ്കെടുക്കുന്ന രണ്ടാമത്തെ പരിപാടിയാണ് കേരളത്തിലേതെന്ന് അദ്ദേഹം പറഞ്ഞു. ആദ്യത്തേത് കശ്മീരില്‍ ജവാന്‍മാരുമായുള്ള കൂടിക്കാഴ്ചയായിരുന്നുവെന്ന് അദ്ദേഹം വ്യക്തമാക്കി.

ഗവ. പി. സദാശിവം, മന്ത്രി കടകംപള്ളി സുരേന്ദ്രന്‍, കെ.സി വേണുഗോപാല്‍ എം.പി, ആര്‍. രാമചന്ദ്രന്‍ എം.എല്‍.എ തുടങ്ങിയവര്‍ പരിപാടിയില്‍ പങ്കെടുത്തു. പതിനൊന്ന് മണിക്കെത്തിയ രാഷ്ട്രപതി പന്ത്രണ്ടു മണിയോടെ തിരിച്ചു