പേരാമ്പ്ര: കടിയങ്ങാട് ഖുദ്ദാമുല്‍ ഇസ്‌ലാം മഹല്ല് കമ്മിറ്റിയുടെ ആഭിമുഖ്യത്തില്‍ നന്തി ജാമിഅ ദാറുസ്സലാമുമായി അഫിലിയേറ്റ് ചെയ്ത് ആരംഭിക്കുന്ന കുന്നുമ്മല്‍ അഹ്മദ് മുസ്‌ലിയാര്‍ സ്മാരക നൂറുല്‍ ഖുര്‍ആന്‍ കോളജ് ഉദ്ഘാടനം ഇന്നു നടക്കും. വൈകിട്ടു നാലിന് കടിയങ്ങാട് ഹയാത്തുല്‍ ഇസ്‌ലാം മദ്‌റസയില്‍ സമസ്ത കേന്ദ്ര മുശാവറ അംഗം എ.വി അബ്ദുറഹ്മാന്‍ മുസ്‌ലിയാര്‍ ഉദ്ഘാടനം നിര്‍വഹിക്കും.
മൂന്നു വര്‍ഷത്തേക്കുള്ള ഹിഫ്‌ള് പഠന കോഴ്‌സ് ആദ്യഘട്ടത്തില്‍ ആരംഭിക്കും. പുറവൂര്‍ ഉസ്താദ്, പാറക്കല്‍ അബ്ദുല്ല എം.എല്‍.എ, മൊയ്തു ബാഖവി കുറ്റ്യാടി, ടി.കെ അബ്ദുല്‍ കരീം ദാരിമി, അബ്ദുല്‍ മാജിദ ഫൈസി ചടങ്ങില്‍ പങ്കെടുക്കും. ഉദ്ഘാടനത്തോടനുബന്ധിച്ച് മഹല്ല് വിദ്യാഭ്യാസ സമിതി എജ്യുമീറ്റ് രണ്ടിന് ആരംഭിക്കും. പ്രമുഖ വിദ്യാഭ്യാസ ട്രെയിനര്‍ സമീര്‍ കണ്ണൂര്‍ നേതൃത്വം നല്‍കും.
വിവിധ പരീക്ഷകളില്‍ ഉന്നത വിജയം നേടിയ വിദ്യാര്‍ഥികളെ ചടങ്ങില്‍ അനുമോദിക്കും.