താമരശ്ശേരി: നിര്‍ധന കുടുംബത്തിന്റെ വീട്ടിലേക്കുള്ള വഴി തടസപ്പെടുത്തുന്നതായി പരാതി.
കാരാടി കണ്ണന്‍കുന്നുമ്മല്‍ അബ്ദുല്‍ സലീമിന്റെ ഭാര്യ റസീനയാണ് ഇതു സംബന്ധിച്ച് ജില്ലാ കലക്ടര്‍ക്കും തഹസില്‍ദാര്‍ക്കും മറ്റ് അധികൃതര്‍ക്കും പരാതി നല്‍കിയത്.
തന്റെ വീട്ടിലേക്കുള്ള വഴി കെട്ടിയെടുത്ത് വഴി തടസപ്പെടുത്തുന്നത് ഒരു സംഘം ഭൂമാഫിയകളാണെന്നും ഇവര്‍ക്ക് അധികൃതര്‍ ഒത്താശ ചെയ്തുകൊടുക്കുകയാണെന്നും പരാതിയില്‍ പറയുന്നു.
ഇതു സംബന്ധിച്ച് പരാതി പറഞ്ഞപ്പോള്‍ സംഘം തന്നെയും ഭര്‍ത്താവിനെയും ഭീഷണിപ്പെടുത്തുകയാണ് ചെയ്തതെന്ന് റസീന പറഞ്ഞു.