HOME
DETAILS

യാത്രാ വിലക്ക് ട്രംപിന്റെ ഉത്തരവ് കോടതി തടഞ്ഞു

  
backup
October 19 2017 | 01:10 AM

%e0%b4%af%e0%b4%be%e0%b4%a4%e0%b5%8d%e0%b4%b0%e0%b4%be-%e0%b4%b5%e0%b4%bf%e0%b4%b2%e0%b4%95%e0%b5%8d%e0%b4%95%e0%b5%8d-%e0%b4%9f%e0%b5%8d%e0%b4%b0%e0%b4%82%e0%b4%aa%e0%b4%bf%e0%b4%a8%e0%b5%8d%e0%b4%b1


ന്യൂയോര്‍ക്ക്: എട്ടു രാജ്യങ്ങളിലുള്ളവര്‍ക്ക് യാത്രാ വിലക്ക് ഏര്‍പ്പെടുത്തിയ യു.എസ് പ്രസിഡന്റ് ഡൊണാള്‍ഡ് ട്രംപിന്റെ തീരുമാനത്തിന് തിരിച്ചടി. ഹവായി ജില്ലാ ജഡ്ജിഡെറിക് വാട്‌സണ്‍ ആണ് യാത്ര വിലക്ക് ഏര്‍പ്പെടുത്തുന്നത് താല്‍ക്കാലികമായി തടഞ്ഞത്. കുടിയേറ്റ നിയമമനുസരിച്ച് ട്രംപിന് യാത്രാ വിലക്ക് ഏര്‍പ്പെടുത്താനുള്ള അനുമതി നല്‍കുന്നില്ലെന്ന് കോടതി വ്യക്തമാക്കി.
ഇറാന്‍, ലിബിയ, സിറിയ, യെമന്‍, സോമാലിയ, ചാഡ്, ഉത്തരകൊറിയ, വെനസ്വലയിലെ സര്‍ക്കാര്‍ പ്രതിനിധികള്‍ എന്നിവര്‍ക്കുള്ള വിലക്ക് കഴിഞ്ഞ മാസമാണ് ട്രംപ് പ്രഖ്യാപിച്ചത്.
നേരത്തെ ആറു മുസ്‌ലിം രാഷ്ട്രങ്ങളിലെ യാത്രക്കാരെ വിലക്കാനായിരുന്നു ട്രംപിന്റെ തീരുമാനം. കോടതി ഇടപെടലിനെ തുടര്‍ന്ന് ഭേദഗതികള്‍ വരുത്തിയായിരുന്നു പുതിയ ഉത്തരവ് യു.എസ് സര്‍ക്കാര്‍ പുറത്തിറക്കിയത്.
ഉത്തരവ് തടഞ്ഞത് ട്രംപിനുള്ള കനത്ത തിരച്ചടിയാണ്. ഇനി യാത്രാ വിലക്ക് ഏര്‍പ്പെടുത്തണമെങ്കില്‍ ട്രംപിന് സുപ്രിംകോടതിയെ സമീപക്കണം.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."