ന്യൂഡല്‍ഹി: ഗുജറാത്ത്, ഹിമാചല്‍ തെരഞ്ഞെടുപ്പ് പ്രഖ്യാപിച്ചതോടെ കോണ്‍ഗ്രസും ബി.ജെ.പിയും തമ്മിലുള്ള വാക്‌പോര് രൂക്ഷമായി. ഇന്നലെ രാഹുല്‍ ഗാന്ധി രൂക്ഷമായ ഭാഷയിലാണ് ബി.ജെ.പിയേയും ധനമന്ത്രി അരുണ്‍ ജെയ്റ്റ്‌ലിയെയും വിമര്‍ശിച്ചത്. ട്വിറ്ററിലൂടെയാണ് അദ്ദേഹം തന്റെ വിമര്‍ശനം ഉന്നയിച്ചത്. നോട്ട് നിരോധനവും ജി.എസ്.ടിയും ഇന്ത്യയുടെ സാമ്പത്തിക രംഗത്തെ തീവ്രപരിചരണ വിഭാഗത്തിലാക്കിയിരിക്കുകയാണെന്നാണ് രാഹുല്‍ ഗാന്ധി വിമര്‍ശിച്ചത്. സാമ്പത്തിക രംഗത്തെ രക്ഷിക്കാന്‍ ഇതുവരെ ഒരു നടപടിയും ഉണ്ടായിട്ടില്ലെന്നും അദ്ദേഹം ആരോപിച്ചു.