ഹൈദരാബാദ്: തെലങ്കാനയിലെ ജനവാസമേഖലയിലൂടെ താഴ്ന്നുപറന്ന ചെറുവിമാനത്തിന്റെ വാതില്‍ ഇളകി വീണത് വീടിന്റെ ടെറസില്‍. സെക്കന്തരാബാദിലെ ലാലഗുഡ മേഖലയിലാണ് സംഭവം. അതേസമയം, ടെറസില്‍ പെയിന്റിങ് ജോലി ചെയ്യുകയായിരുന്ന തൊഴിലാളി തലനാരിഴയ്ക്ക് രക്ഷപ്പെടുകയായിരുന്നു.

സംഭവം നടക്കുന്നതിന് സെക്കന്റുകള്‍ക്ക് മുമ്പ് ഇയാള്‍ താഴെ നിലയിലേക്ക് പോയതിനാല്‍ പരുക്കേല്‍ക്കാതെ രക്ഷപ്പെടുകയായിരുന്നു.

തെലുങ്കാന ഏവിയേഷന്‍ അക്കാദമിയുടെ പരിശീലന വിമാനത്തിന്റെ വാതിലാണ് 2500 അടി ഉയരത്തില്‍ നിന്നും ഇളകിവീണത്. വിമാനത്തില്‍ പൈലറ്റും ട്രെയ്‌നിയും മാത്രമാണ് ഉണ്ടായിരുന്നത്.

സംഭവത്തെക്കുറിച്ച് ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍ (ഡിജിസിഎ) അന്വേഷണം ആരംഭിച്ചു.