കോട്ടയം: കേരള കോണ്‍ഗ്രസ് എന്‍.ഡി.എയുമായി സഖ്യത്തിനില്ലെന്ന് കേരള കോണ്‍ഗ്രസ്-എം നേതാവ് ജോസ് കെ.മാണി എംപി.
കഴിഞ്ഞ ദിവസം ജോസ് കെ.മാണിക്ക് കേന്ദ്രമന്ത്രിയാകുവാന്‍ അര്‍ഹതയുണ്ടെന്നും വേണമെങ്കില്‍ ഇക്കാര്യം കേന്ദ്രവുമായി സംസാരിക്കാന്‍ തയാറാണെന്നും ബി.ഡി.ജെ.എസ് നേതാവ് തുഷാര്‍ വെള്ളാപ്പള്ളിയും വ്യക്തമാക്കിയിരുന്നു.
എന്നാല്‍ ഇതിനെയെല്ലാം എതിര്‍ത്തുകൊണ്ടാണ് ജോസ് കെ.മാണി രംഗത്തെത്തിയിരിക്കുന്നത്.
എന്‍.ഡി.എയുമായുള്ള സഖ്യം പാര്‍ട്ടിയുടെ അജണ്ടയിലില്ലെന്ന് ഇത്തരത്തിലുള്ള പ്രചരണങ്ങള്‍ നിഗൂഢലക്ഷ്യത്തോടെയെന്നും ജോസ് കെ.മാണി ആരോപിച്ചു. എന്‍.ഡി.എയിലേക്കില്ലെന്നു ജോസഫ് വിഭാഗവും ജോസഫ് എം.പുതുശേരിയും നേരത്തെ വ്യക്തമാക്കിയിരുന്നു.