പഴയങ്ങാടി: പുതിയങ്ങാടി ഹൈസ്‌കൂള്‍ ഗ്രൗണ്ടിന് സമീപത്ത് പുകയില ഉത്പന്നങ്ങള്‍ പിടികൂടി. ഇന്നലെ രാത്രി 12ഓടെയാണ് പുതിയങ്ങാടി സ്വദേശി കെ.ടി അറഫാത്തി(24)നെ പഴയങ്ങാടി എസ്.ഐ പി.ബി സജീവ് പിടികൂടിയത്. ബംഗളൂരുവില്‍ നിന്ന് മൊത്ത വില്‍പനക്കായി കൊണ്ടുവന്ന പാന്‍ ഉത്പന്നങ്ങളാണ് പിടികൂടിയത്. സ്‌കൂള്‍ പരിസരങ്ങളില്‍ വ്യാപകമായി പാന്‍ ഉത്പന്നങ്ങള്‍ വില്‍ക്കുന്നുവെന്ന പരാതി നിലനില്‍ക്കെ ഹന്‍സ് വാങ്ങാനെന്ന വ്യാജേന വേഷം മാറിയെത്തിയാണ് പൊലിസ് പ്രതിയെ പിടികൂടിയത്. മുമ്പും പാന്‍ ഉത്പന്നങ്ങളുമായി അറഫാത്തിനെ പിടികൂടിയിരുന്നു.