കോഴിക്കോട്: പത്രമേഖലയിലെ ട്രേഡ് യൂനിയന്‍ പ്രസ്ഥാനത്തിന്റെ തുടക്കക്കാരനും കെ.എന്‍.ഇ.എഫ് സ്ഥാപക നേതാവുമായിരുന്ന എസ്. അനന്തകൃഷ്ണന്റെ പേരില്‍ കേരള ന്യൂസ്‌പേപ്പര്‍ എംപ്ലോയീസ് ഫെഡറേഷന്‍ (കെ.എന്‍.ഇ.എഫ്) ഉന്നത വിജയം നേടിയ വിദ്യാര്‍ഥികള്‍ക്ക് ഏര്‍പ്പെടുത്തിയ എന്‍ഡോവ്‌മെന്റുകള്‍ പുരുഷന്‍ കടലുണ്ടി എം.എല്‍.എ വിതരണം ചെയ്തു.
കോഴിക്കോട് പ്രസ്‌ക്ലബ് ഹാളില്‍ നടന്ന പരിപാടിയില്‍ കെ.എന്‍.ഇ.എഫ് പ്രസിഡന്റ് ജയ്‌സ മാത്യൂ അധ്യക്ഷനായി. ജനറല്‍ സെക്രട്ടറി ഗോപന്‍ നമ്പാട്ട് ആമുഖ പ്രസംഗവും എ.ഐ.എന്‍.ഇ എഫ് ജനറല്‍ സെക്രട്ടറി വി. ബാലഗോപാല്‍ അനുസ്മരണ പ്രഭാഷണവും നടത്തി. നോണ്‍ ജേണലിസ്റ്റ് പെന്‍ഷനേഴ്‌സ് യൂനിയന്‍ ജനറല്‍ സെക്രട്ടറി പി. ദിനകരന്‍, കെ.എന്‍.ഇ.എഫ് സംസ്ഥാന ട്രഷറര്‍ ഫസലുറഹ്മാന്‍, ജില്ലാ പ്രസിഡന്റ് പി. സുധാകരന്‍, സെക്രട്ടറി വി.എ മജീദ്, മേഖലാ സെക്രട്ടറി അജീന്ദ്രന്‍ സംസാരിച്ചു.