വാഴയൂര്‍: സാഫി ഇന്‍സ്റ്റിറ്റ്യൂട്ട് ഓഫ് അഡ്വാന്‍സ്ഡ് സ്റ്റഡീസ്, ഇസ്‌ലാമിക പഠന വിഭാഗം സംഘടിപ്പിക്കുന്ന ദശ വാര്‍ഷികാഘോഷങ്ങളുടെ ലോഗോ സാഫി ഡയറക്ടറും കണ്ണൂര്‍ സര്‍വകലാശാല മുന്‍ വൈസ്ചാന്‍സിലറുമായ ഡോ: ഖാദര്‍ മങ്ങാട് പ്രകാശനം ചെയ്തു.

പ്രിന്‍സിപ്പല്‍ പി.വി ബഷീര്‍ അഹമ്മദ്, മന്‍സൂര്‍ അലി, ഡോ: ഹസ്സന്‍ ശരീഫ് , മുഹമ്മദ് അബ്ദുല്‍ സത്താര്‍, ഷക്കീര്‍ ,നസീഹ ബീവി, നസീഹ ഷെറിന്‍ പി, സുമയ്യ കെ ,അമീന തബസ്സും, ഹെനാന്‍ ഫാത്തിമ, റഷ റഷീദ്, സന സഫരി എന്നിവര്‍ സംബന്ധിച്ചു.

വാര്‍ഷികാഘോഷത്തിന്റെ ഭാഗമായി നാഷണല്‍ സിംബോസിയം,ഖുര്‍ആന്‍ എക്‌സിബിഷന്‍, പ്രസിദ്ധീകരണങ്ങള്‍, സര്‍ട്ടിഫിക്കറ്റ് കോഴ്‌സ്, കലാ സാഹിത്യ പരിപാടികള്‍,ദേശീയതല മത്സരങ്ങള്‍, അലൂംനി ആല്‍ബം തുടങ്ങിയ പരിപാടികളാണ് സംഘടിപ്പിക്കുന്നത്.