പാരീസ്: ഫ്രഞ്ച് ചക്രവര്‍ത്തിയായിരുന്ന നെപ്പോളിയന്‍ ബോണപ്പാര്‍ട്ടിന്റെ കിരീടത്തിലുണ്ടായിരുന്ന സുവര്‍ണദളം ലേലം ചെയ്തു. 6.25 ലക്ഷം യൂറോയ്ക്കാണ് (ഏകദേശം 4,78,97,625 രൂപ) ഇതു ലേലത്തില്‍ പോയത്. പാരിസില്‍ കഴിഞ്ഞ ഞായറാഴ്ചയാണ് ലേലം നടന്നത്. ഒരു ലക്ഷം മുതല്‍ 1.5 ലക്ഷം യൂറോ വരെയായിരുന്നു ഇതിനു പ്രതീക്ഷിച്ചിരുന്നതെന്ന് അധികൃതര്‍ പറഞ്ഞു. കഴിഞ്ഞ ദിവസം നടന്ന ലേലത്തില്‍ നെപ്പോളിയന്റെ ഭാര്യ എംപറെസ് ജോസഫൈന്റെ വിവിധ വസ്തുക്കളടക്കം നാനൂറിലേറെ വസ്തുക്കളാണ് ലേലം ചെയ്തത്.