നെയ്യാറ്റിന്‍കര: നെല്ലിമൂട് ദേശാഭിവര്‍ദ്ധിനി ഗ്രന്ഥശാലയില്‍ ആരംഭിച്ച ഇ-വിജ്ഞാന സേവന കേന്ദ്രത്തിന്റെയും ബാലവേദി ഏകദിന ക്യംപിന്റെയും ഉദ്ഘാടനം കെ.ആന്‍സലന്‍ എം.എല്‍.എ നിര്‍വഹിച്ചു. ഗ്രന്ഥശാല പ്രസിഡന്റ് കെ.ശശിധരന്‍ അധ്യക്ഷനായി.
ജില്ലാ ലൈബ്രറി കൗണ്‍സില്‍ സെക്രട്ടറി പി.കെ.രാജ് മോഹന്‍ മുഖ്യ പ്രഭാഷണം നടത്തി. പരീക്ഷകളില്‍ വിജയികളായവര്‍ക്ക് അവാര്‍ഡുകള്‍ വിതരണം ചെയ്തു. താലൂക്ക് ലൈബ്രറി കൗണ്‍സില്‍ സെക്രട്ടറി പി.കെ.തുളസീധരന്‍ , ഗ്രാമപഞ്ചായത്തംഗം എല്‍.അംബിക, സെക്രട്ടറി എസ്.രാജു , വെണ്‍കുളം മോഹനന്‍ , ടി.ചന്ദ്രന്‍ ,
ടി.രാജേന്ദ്രന്‍ തുടങ്ങിയവര്‍ പങ്കെടുത്തു. ബാലവേദി ക്യാംപില്‍ പ്രൊഫ.എന്‍.കെ.സത്യപാലന്‍ , മെഡിക്കല്‍ ഓഫീസര്‍ ഡോ.സിമി സാരംഗ് തുടങ്ങിയവര്‍ ക്ലാസെടുത്തു.