തൊട്ടില്‍പ്പാലം: വൈദേശിക ആധിപത്യത്തിനെതിരേ സമരം നയിച്ച കുഞ്ഞാലി മരക്കാരുടെ വിസ്മയ ചരിത്രം ഒരുകൂട്ടം വിദ്യാര്‍ഥികളുടെ നേതൃത്വത്തില്‍ ദൃശ്യവല്‍ക്കരിച്ചു. കുറ്റ്യാടി എം.ഐ.യു.പി സ്‌കൂളിലെ 23ഓളം വിദ്യാര്‍ഥികള്‍ ചേര്‍ന്നാണു രാജ്യത്തിന്റെ 70-ാം സ്വാതന്ത്ര്യദിനാഘോഷത്തിന്റെ ഭാഗമായി ഏഴാം ക്ലാസ് സോഷ്യല്‍ സയന്‍സ് പാഠപുസ്തകത്തിലെ 'കച്ചവടത്തില്‍ നിന്നും അധികാരത്തിലേക്ക് ' എന്ന പാഠത്തെ അടിസ്ഥാനമാക്കി കുഞ്ഞാലി മരക്കാരുടെ ജീവിതം ദൃശ്യവല്‍ക്കരിച്ചത്.
കെ.പി.ആര്‍ അഫീഫ് രചനയും സംവിധാനവും നിര്‍വഹിച്ച ദൃശ്യാവിഷ്‌കാരത്തില്‍ ജില്ലാ കലോത്സവത്തില്‍ മികച്ച നടനായി തിരഞ്ഞെടുക്കപ്പെട്ട ആറാംക്ലാസ് വിദ്യാര്‍ഥി മുഹമ്മദ് നിഹാലാണ് കുഞ്ഞാലി മരക്കാറായി അഭിനയിച്ച ത്. അപര്‍ണ അനീഷും ഒരു പ്രധാന കഥാപാത്രത്തെ അവതരിപ്പിച്ചു.
എം. ഷഫീഖ് മാസ്റ്റര്‍, ബാബു വി, അനുപം ജയിസ്, ജമാല്‍ കുറ്റ്യാടി, ഷോജി രാജ്, വി.സി കുഞ്ഞബ്ദുല്ല, എ. ഷരീഫ്, പി. സാജിദ്, ഇന്ദുലേഖ, ഷിജില, വിനിഷ സാങ്കേതിക സഹായം നല്‍കി.