ന്യൂഡല്‍ഹി: കോണ്‍ഗ്രസ് അധ്യക്ഷ സ്ഥാനത്തേക്കുള്ള തെരഞ്ഞെടുപ്പിനുള്ള നാമനിര്‍ദേശ പത്രികാ സമര്‍പ്പണം ഇന്ന് മുതല്‍ സ്വീകരിച്ച് തുടങ്ങുമെന്ന് തെരഞ്ഞെടുപ്പ് അതോറിറ്റി ചെയര്‍മാന്‍ മുല്ലപ്പള്ളി രാമചന്ദ്രന്‍ അറിയിച്ചു. ഡിസംബര്‍ നാലുവരെയാണ് പത്രിക സമര്‍പ്പിക്കാനുള്ള സമയം. സൂക്ഷമ പരിശോധന അഞ്ചിനാണ്.
പത്ത് പ്രവര്‍ത്തകരുടെ നാമനിര്‍ദേശത്തോടെ കോണ്‍ഗ്രസ് അധ്യക്ഷ സ്ഥാനത്തേക്ക് പത്രിക സമര്‍പ്പിക്കാം. പത്രിക നല്‍കുന്നതിനുള്ള ക്രമീകരണം എല്ലാ സംസ്ഥാനങ്ങളിലും ഒരുക്കിയിട്ടുണ്ടെന്നും മുല്ലപ്പള്ളി അറിയിച്ചു.