അഡൂര്‍: നബിദിനാഘോഷത്തിനിടെ എസ്.കെ.എസ്.എസ്.എഫ് പ്രവര്‍ത്തകര്‍ക്കു നേരെ കാന്തപുരം വിഭാഗത്തിന്റെ ആക്രമണം. അഡൂര്‍, പള്ളങ്കോട് മുഹ്‌യുദ്ദീന്‍ ജുമാ മസ്ജിദ് പരിസരത്താണ് സംഭവം. ഇന്നു രാവിലെ നബിദിന റാലി സമാപിക്കാനിരിക്കെയാണ് ഒരു കൂട്ടം കാന്തപുരം വിഭാഗം പ്രവര്‍ത്തകര്‍ ആയുധങ്ങളുമായെത്തി അക്രമം അഴിച്ചുവിട്ടത്.

അക്രമത്തില്‍ നിരവധി പേര്‍ക്ക് പരുക്കേറ്റു. അബ്ബാസ് പുതിയകണ്ടം, അബ്ദുല്‍ ഖാദര്‍, ശബീബ് മൊട്ട എന്നിവരെ ആശുപത്രിയില്‍ പ്രവേശിച്ചു.

ആരുടെയും പതാക പള്ളി പരിസരത്ത് ഉയര്‍ത്തരുതെന്ന് നേരത്തെ ധാരണയുണ്ടായിരുന്നു. എന്നാല്‍, കാന്തപുരം വിഭാഗം നേതാവ് വന്ന് രാവിലെ പള്ളി പരിസരത്ത് പതാക ഉയര്‍ത്തി.

ഇത് എസ്.കെ.എസ്.എസ്.എഫ് പ്രവര്‍ത്തകര്‍ ചോദ്യം ചെയ്തതോടെ ഇയാള്‍ പുറത്തുണ്ടായിരുന്ന കാന്തപുരം പ്രവര്‍ത്തകരെ വിളിച്ചുവരുത്തുകയായിരുന്നു. വടിയും മറ്റു ആയുധങ്ങളുമായെത്തിയ ഒരു കൂട്ടം കാന്തപുരം പ്രവര്‍ത്തകര്‍ റാലിക്കായി അണിനിരന്ന എസ്.കെ.എസ്.എസ്.എഫ് പ്രവര്‍ത്തകര്‍ക്കു നേരെ അക്രമം നടത്തുകയായിരുന്നു.