പഴയങ്ങാടി. കല്ല്യാശേരി മണ്ഡലത്തിലെ കോണ്‍ഗ്രസ്, യൂത്ത് കോണ്‍ഗ്രസ് പ്രവര്‍ത്തകര്‍ കോണ്‍ഗ്രസ് എസില്‍ ചേര്‍ന്നു. പഴയങ്ങാടിയില്‍ നടന്ന കോണ്‍ഗ്രസ് (എസ്) പൊതുയോഗത്തില്‍ മെമ്പര്‍ഷിപ്പ് വിതരണം നടത്തി. പി അനിരുദ്ധന്‍ പൂങ്കാവ്, കെ രഞ്ജിത്ത് വെങ്ങര, കെ ഗണേശന്‍ പളളിക്കര, സുനില്‍ കുമാര്‍ നെടുമ്പുറം,സദാനന്തന്‍ പി മുട്ടുകണ്ടി തുടങ്ങി 25 ഓളം പേരാണ് പഴയങ്ങാടിയില്‍ നടന്ന കോണ്‍ഗ്രസ് എസ് പൊതുയോഗത്തില്‍ മെമ്പര്‍ഷിപ്പ് സ്വീകരിച്ചത്. പൊതുയോഗം സംസ്ഥാന സെക്രട്ടറി യു ബാബു ഗോപിനാഥ് ഉദ്ഘാടനം ചെയ്തു. ബ്ലോക്ക് പ്രസി. ടി രാജന്‍ അധ്യക്ഷനായി. അഡ്വ. കെ.വി മനോജിന് സ്വീകരണം നല്‍കി. കെ.കെ ജയപ്രകാശ്, പി പ്രഭാകരന്‍ പ്രസംഗിച്ചു.