മനാമ: ബഹ്‌റൈന്‍ ദേശീയ ദിനാഘോഷത്തിന് മാറ്റുകൂട്ടി ബഹിരാകാശത്തുനിന്ന് ആശംസകളെത്തിയത് ശ്രദ്ധേയമായി. ഭൂമിയെ വലവയ്ക്കുന്ന അന്താരാഷ്ട്ര സ്‌പൈസ് സ്റ്റേഷനായ ഐ.എസ്.എസില്‍ നിന്നും രണ്ട് ബഹിരാകാശ യാത്രികരാണ് ബഹ്‌റൈന് ആശംസകളറിയിച്ചത്.

റഷ്യന്‍ സ്‌പൈസ് ഏജന്‍സിയായ റോസ്‌കോസ്‌മോസിലെ യാത്രകാരായ ഇരുവരും ഓഡിയോ, വീഡിയോ സന്ദേശങ്ങളിലൂടെയാണ് ബഹ്‌റൈന്റെ 46-ാം ദേശീയദിനാഘോഷത്തിന് ആശംസകളറിയിച്ചത്. ബഹിരാകാശ ഗവേഷണ മേഖലകളില്‍ ബഹ്‌റൈന്‍-റഷ്യ സഹകരണങ്ങള്‍ ഉണ്ടാവണമെന്ന അഭ്യര്‍ഥനയും സന്ദേശത്തിലുണ്ട്.
ബഹിരാകാശത്തില്‍നിന്നുള്ള ഈ ആശംസാ സന്ദേശങ്ങളില്‍ ബഹ്‌റൈന്‍ രാജാവ് ഹമദ് ബിന്‍ ഈസാ ആല്‍ ഖലീഫ സന്തുഷ്ടി പ്രകടിപ്പിച്ചു.

46-ാം ദേശീയ ദിനം ആഘോഷിക്കുന്ന ബഹ്‌റൈന് ആശംസകളുമായി വിവിധ രാഷ്ട്രങ്ങളും ഭരണാധികാരികളും സോഷ്യല്‍ മീഡിയയിലൂടെയും അല്ലാതെയും രംഗത്തെത്തിയിരുന്നു. ഇവര്‍ക്ക് നന്ദി അറിയിക്കുമ്പോഴും ബഹിരാകാശ യാത്രികരുടെ സന്ദേശത്തിന് അദ്ദേഹം പ്രത്യേകം നന്ദി അറിയിച്ചു.