ബംഗളൂരു: ഗുജറാത്ത് തെരഞ്ഞെടുപ്പില്‍ ബി.ജെ.പിയുടെ നിറം മങ്ങിയ വിജയത്തെ പരിഹസിച്ച് നടന്‍ പ്രകാശ് രാജ്. പ്രധാനമന്ത്രി എപ്പോഴും പറഞ്ഞിരുന്ന 'വികാസ് ' വഴി കൊണ്ടുവരുമെന്ന് പറഞ്ഞ 150 സീറ്റുകള്‍ എവിടെയെന്നാണ് പ്രകാശിന്റെ ചോദ്യം. ട്വിറ്ററിലൂടെയാണ് പ്രകാശ് രാജ് പ്രധാനമന്ത്രിയോട് ചോദ്യങ്ങളുന്നയിച്ചത്.
വിജയത്തിന് അഭിനന്ദനങ്ങള്‍ പ്രധാനമന്ത്രീ, പക്ഷെ താങ്കള്‍ ശരിക്കും സന്തോഷിക്കുന്നുണ്ടോ എന്നാണ് പ്രകാശ് രാജ് ചോദിച്ചത്. പ്രധാനമന്ത്രിയുടെ 'വികാസ് '(വികസനം) കൊണ്ട് അഭിമാനിക്കാനാകുന്ന നേട്ടങ്ങള്‍ ഇല്ലെന്നും പ്രകാശ് ചൂണ്ടിക്കാട്ടി. വിഭാഗീയ രാഷ്ട്രീയം വിലപോയില്ലെന്നാണ് ഗുജറാത്ത് തെരഞ്ഞെടുപ്പ് ഫലം വ്യക്തമാക്കുന്നതെന്നും അദ്ദേഹം പരിഹസിച്ചു.