മുംബൈ: അനന്തിരവിന്റെ വിവാഹത്തിന് ദാവൂദ് ഇബ്രാഹിം പങ്കെടുക്കുന്നത് സ്‌കൈപ്പിലൂടെ. പാകിസ്താനില്‍ ഒളിവില്‍ കഴിയുന്ന അധോലോക  നായകന്‍ ദാവൂദ് ഇബ്രാഹിം സഹോദരീ പുത്രന്റെ വിവാഹ ചടങ്ങാണ് സ്‌കൈപ്പിലൂടെ കാണാനൊരുങ്ങുന്നതെന്നു മാധ്യമങ്ങള്‍ റിപ്പോര്‍ട്ട് ചെയ്തു. ഇന്ന് മുംബൈയിലാണ് വിവാഹം നടക്കുന്നത്.  ദാവൂദിന്റെ പരേതയായ സഹോദരി ഹസീന പാര്‍കറിന്റെ ഇളയ മകന്‍ അലീഷയും ഐശയും തമ്മിലാണ് വിവാഹം. മുംബൈയിലെ ആഡംബര ഹോട്ടലിലാണ് വിരുന്ന്.  അതിനിടെ ദാവൂദിന്റെ ശത്രുക്കള്‍ വിവാഹം അലങ്കോലമാക്കാന്‍ ശ്രമിച്ചേക്കുമെന്ന റിപ്പോര്‍ട്ടും പുറത്തു വന്നിട്ടുണ്ട്. പങ്കെടുക്കുന്നവരെയെല്ലാം കര്‍ശന സുരക്ഷാ പരിശോധനയിലാണ് അകത്തേക്ക് കയറ്റുക.