നോയിഡ:സഹോദരിമാരെ വീട്ടിനടുത്തുള്ള മരത്തില്‍ തൂങ്ങിമരിച്ച നിലയില്‍ കണ്ടെത്തി. നോയിഡയിലെ സെക്ടര്‍-49ലാണ് 18ഉം 13ഉം വയസ് പ്രായമുള്ള സഹോദരിമാരെ തൂങ്ങിമരിച്ച നിലയില്‍ കണ്ടെത്തിയത്. അതേസമയം ഇവരുടെ മരണത്തില്‍ ദുരൂഹതയുണ്ടെന്ന് രക്ഷിതാക്കള്‍ ആരോപിച്ചു. മൃതദേഹത്തില്‍ മുറിവുകളൊന്നും കണ്ടെത്താനായിട്ടില്ലെന്ന് പൊലിസ് അറിയിച്ചു. പ്രാഥമിക അന്വേഷണത്തില്‍ ആത്മഹത്യയാണെന്നാണ് നിഗമനമെന്ന് നോയിഡ എസ്.പി അരുണ്‍ കുമാര്‍ സിങ് പറഞ്ഞു. കുടുംബത്തിലുണ്ടായ ചില തര്‍ക്കങ്ങളാണ് കുട്ടികളെ അപായപ്പെടുത്താന്‍ ഇടയാക്കിയതെന്നും ഇതിനു പിന്നില്‍ ഒരു ബന്ധുവിന് പങ്കുണ്ടെന്നുമാണ് രക്ഷിതാക്കള്‍ ആരോപിക്കുന്നത്.