കോഴിക്കോട്: സാഹിത്യകാരന്മാര്‍ അവാര്‍ഡിനായി കൃത്രിമമായ വഴിയാണു സ്വീകരിക്കുന്നതെന്ന് കഥാകൃത്ത് ടി. പത്മനാഭന്‍. വിദ്യാരംഗം സംസ്ഥാന സര്‍ഗോത്സവം ഉദ്ഘാടനം ചെയ്യുകയായിരുന്നു അദ്ദേഹം. കലോത്സവ വേദികളില്‍ അംഗീകാരം ലഭിക്കണമെന്ന ആഗ്രഹത്തോടെ മത്സരിക്കരുതെന്നു വിദ്യാര്‍ഥികളെയും രക്ഷിതാക്കളെയും ഉപദേശിക്കാന്‍ താനുള്‍പ്പെടെയുള്ള സാഹിത്യകാരന്‍മാര്‍ക്കും സാംസ്‌കാരിക നായകര്‍ക്കും അര്‍ഹതയില്ല. ചില്ലറ സാഹിത്യം കുറിച്ചിട്ട് അവര്‍ഡിനായി നെട്ടോട്ടമോടാനാണു താനടക്കമുള്ളവര്‍ കൂടുതല്‍ സമയവും ചിലവിടുന്നത്. അക്കാദമി പുരസ്‌കാരമായാലും മറ്റു പുരസ്‌കാരങ്ങളായാലും സ്ഥിതിക്കു മാറ്റമില്ലെന്നും അദ്ദേഹം വ്യക്തമാക്കി.
എ. പ്രദീപ് കുമാര്‍ എം.എല്‍.എ അധ്യക്ഷനായി. പൊതുവിദ്യാഭ്യാസ ഡയറക്ടര്‍ കെ.വി മോഹന്‍ കുമാര്‍, കേരള സാഹിത്യ അക്കാദമി പ്രസിഡന്റ് വൈശാഖന്‍ സംസാരിച്ചു.