ആലക്കോട്: മകളെ പീഡിപ്പിച്ച കേസില്‍ പിതാവ് അറസ്റ്റില്‍. ആലക്കോട് പൊലിസ് സ്റ്റേഷന്‍ പരിധിയിലാണ് ഒന്‍പതാം തരം വിദ്യാര്‍ഥിനിയെ പിതാവ് പീഡിപ്പിച്ചത്.
ഒരു വര്‍ഷത്തിലധികമായി കുട്ടിയെ പിതാവ് പീഡിപ്പിച്ചു വരുന്നതായി പെണ്‍കുട്ടിയുടെ മാതാവ് നല്‍കിയ പരാതിയില്‍ പറയുന്നു. സ്‌കൂളിലെ കൗണ്‍സിലിങ് സമയത്താണ് പീഡന വിവരം പെണ്‍കുട്ടി പുറത്തു പറയുന്നത്. തുടര്‍ന്ന് ചൈല്‍ഡ് ലൈന്‍ പ്രവര്‍ത്തകരെ അറിയിക്കുകയായിരുന്നു. ചൈല്‍ഡ് ലൈന്‍ പ്രവര്‍ത്തകരുടെ നിര്‍ദേശ പ്രകാരം ആലക്കോട് സി.ഐ ഇ.പി സുരേശന്റെ നേതൃത്വത്തിലുള്ള പൊലിസ് സംഘമാണ് ഇയാളെ അറസ്റ്റു ചെയ്തത്. വിശദമായ ചോദ്യം ചെയ്യലിന് ശേഷംകോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.