കള്ളപ്പണം വെളുപ്പിച്ചു; പ്രതികൾക്ക് ഒരു ലക്ഷം ദിനാർ പിഴയും തടവും

മ​നാ​മ: കള്ളപ്പണം വെളുപ്പിച്ച കേസിൽ രണ്ട് പ്രതികൾക്ക് ശിക്ഷ വിധിച്ച് ക്രി​മി​ന​ൽ കോടതി. തടവും പിഴയുമാണ് രണ്ട് പ്രതികൾക്കും ശിക്ഷ വിധിച്ചത്. ഒ​ന്നാം പ്ര​തി​ക്ക്​ അ​ഞ്ചു​ വ​ർ​ഷ​വും ര​ണ്ടാം പ്ര​തി​ക്ക്​ മൂ​ന്നു​ വ​ർ​ഷ​വും ത​ട​വാ​ണ്​ ഒ​ന്നാം ക്രി​മി​ന​ൽ കോ​ട​തി വി​ധി​ച്ച​ത്. ര​ണ്ടു​ പ്ര​തി​ക​ളും ഓ​രോ ല​ക്ഷം ബഹ്‌റൈൻ ദീ​നാ​ർ പി​ഴ​യ​ട​ക്കാ​നും കോ​ട​തി വി​ധി​ച്ചു.

അം​ഗീ​കാ​ര​മി​ല്ലാ​തെ പ​ണം സ്വ​രൂ​പി​ച്ച​തി​ന്​​ ഒ​ന്നാം പ്ര​തി​ക്ക്​ ഒ​രു വ​ർ​ഷ​വും ര​ണ്ടാം പ്ര​തി​ക്ക്​ ആ​റു​ മാ​സ​വും ത​ട​വ്​ വി​ധി​ച്ചി​ട്ടു​ണ്ട്. 70 ല​ക്ഷം ദീ​നാ​റാ​ണ്​ ഇ​വ​ർ മ​റ്റൊ​രു രാ​ജ്യ​ത്തേ​ക്ക്​ ക​ട​ത്തി​യ​ത്. നി​യ​മ​പ്ര​കാ​രം ചാ​രി​റ്റി​ക്കു​വേ​ണ്ടി​യു​ള്ള ഫ​ണ്ടാ​ണ്​ ഇ​ത്ത​ര​ത്തി​ൽ ഇ​വ​ർ ക​ട​ത്തി​യ​തെ​ന്നാ​ണ്​ അന്വേഷണത്തിൽ കണ്ടെത്തിയത്.

ഇ​വ​രു​ടെ പേ​രി​ലു​ള്ള ക​മ്പ​നി വ​ഴി​യാ​ണ്​ പ​ണം വെ​ളു​പ്പി​ച്ച​ത്. ഇ​വ​രു​ടെ പ​ണ​ത്തി​ന്‍റെ ഉ​റ​വി​ടം വെ​ളി​പ്പെ​ടു​ത്താ​തെ ബാ​ങ്കി​ൽ പ​ണം നി​ക്ഷേ​പി​ക്കു​ക​യും ചെ​യ്​​ത​താ​യി ക​ണ്ടെ​ത്തി​യി​രു​ന്നു. അം​ഗീ​കാ​ര​മി​ല്ലാ​തെ പ​ണം സ്വ​രൂ​പി​ക്ക​ൽ രാ​ജ്യ​ത്ത്​ നി​യ​മ​വി​രു​ദ്ധ​മാ​ണ്.