പെരിന്തല്‍മണ്ണ: എക്‌സൈസ് വകുപ്പ് നടത്തിയ റെയ്ഡില്‍ 1000 പാക്കറ്റ് ഹാന്‍സ്, പാന്‍പരാഗ് എന്നിവ പിടികൂടി. മൂര്‍ക്കനാട്, വെങ്ങാട്, അങ്ങാടിപ്പുറം പ്രദേശങ്ങളിലെ വിവിധ കടകളില്‍ നടത്തിയ പരിശോധനയിലാണ് ഇവ പിടികൂടിയത്. എട്ടു കേസുകളും രജിസ്റ്റര്‍ ചെയ്തു.
എക്‌സൈസ് വകുപ്പ് സ്ഥാപിച്ച ലഹരി വിരുദ്ധ പരാതിപ്പെട്ടിയില്‍ ലഭിച്ച പരാതിയെത്തുടര്‍ന്നാണ് നടപടി. ലഹരി വിരുദ്ധ പരാതികള്‍ സ്വീകരിക്കുന്നതിനു വിവിധ സ്‌കൂളുകളില്‍ പരാതിപെട്ടി സ്ഥാപിച്ചത് വ്യാപകമായി സ്വീകാര്യത ലഭിച്ചിട്ടുണ്ടണ്ട്. ഇതു പ്രകാരം നിരവധി കേസുകള്‍ ലഭിച്ചതില്‍ കഞ്ചാവ് കേസടക്കമുണ്ടണ്ട്. അസിസ്റ്റന്റ് ഇന്‍സ്‌പെക്ടര്‍മാരായ വി.വി പ്രസന്നകുമാര്‍, ടി.മൊയ്തു, കെ.എം ശിവപ്രകാശ്, സജയ്കുമാര്‍,പി അനീഷ്‌കുമാര്‍, ഡി.ഷിബു എന്നിവരാണ് സംഘത്തിലുണ്ടായിരുന്നത്.