അഞ്ച് ദിവസത്തിന് ശേഷം സ്വർണവിലയിൽ ചാഞ്ചാട്ടം; താഴോട്ട്

അഞ്ച് ദിവസത്തെ ഇടവേളക്ക് ശേഷം കേരളത്തില്‍ സ്വര്‍ണ വിലയില്‍ ഇന്ന് നേരിയ കുറവ്. ഗ്രാമിന് 10 രൂപയാണ് കുറഞ്ഞത്. ഗ്രാമിന് 5,770 രൂപയും പവന് 46,160 രൂപയുമാണ് ഇന്നത്തെ വില. പവന് 80 രൂപയാണ് കുറഞ്ഞത്. ഈ മാസത്തെ ഏറ്റവും ഉയര്‍ന്ന സ്വര്‍ണ വില ജനുവരി രണ്ടിനായിരുന്നു. പവന് 47,000 രൂപയും ഗ്രാമിന് 5,875 രൂപയുമായിരുന്നു ജനുവരി രണ്ടിലെ വില.

ജനുവരി 18ന് ആയിരുന്നു ഏറ്റവും കുറഞ്ഞ വില രേഖപ്പെടുത്തിയത്. ഗ്രാമിന് 5,740 രൂപയും പവന് 45,920 രൂപയുമായിരുന്നു അന്നത്തെ വില. ആഗോള വിപണിയിലെ വില ചാഞ്ചാട്ടങ്ങള്‍ക്കൊപ്പമാണ് കേരളത്തിലെ സ്വര്‍ണ വിലയിലും പ്രകടമായ മാറ്റങ്ങളുണ്ടായത്.

ഇന്ന് 18 കാരറ്റ് സ്വര്‍ണ വിലയിലും നേരിയ ഇടിവുണ്ടായി. അഞ്ച് രൂപ കുറഞ്ഞ് ഗ്രാമിന് 4,775 രൂപയാണ് വില. വെള്ളി വില ഏതാനും ദിവസങ്ങളായി മാറ്റമില്ലാതെ തുടരുന്നു, ഗ്രാമിന് 77 രൂപയാണ് വെള്ളിയുടെ വില.