പുതിയ കാലത്ത് ഒരേയിരുപ്പിരുന്ന് ജോലി ചെയ്യുന്നവരുടെ എണ്ണം വര്‍ദ്ധിക്കുകയാണ്. ലാപ്‌ടോപ്പിന് മുന്നിലും കമ്പ്യൂട്ടറിന് മുന്നിലുമൊക്കെ ഇരുന്ന് ചെയ്യാവുന്ന തൊഴിലുകളുടെ എണ്ണവും ഇപ്പോള്‍ വര്‍ദ്ധിച്ച് വരുന്നുണ്ട്. എന്നാല്‍ ദീര്‍ഘനേരമുള്ള ഇരുപ്പ് ആവശ്യമായ ജോലികള്‍ നമ്മുടെ ശരീരത്തിന് ഏല്‍പ്പിക്കുന്ന ആഘാതങ്ങള്‍ വലുതാണെന്ന ഗവേഷണ റിപ്പോര്‍ട്ടുകളാണിപ്പോള്‍ പുറത്ത് വരുന്നത്. ഒരേ പൊസിഷനില്‍ നീണ്ട മണിക്കൂറുകള്‍ ജോലി ചെയ്യുന്നത് പുകവലി, അമിതവണ്ണം തുടങ്ങിയവ ഉണ്ടാക്കുന്ന അതേ ആഘാതം തന്നെയാണ് ശരീരത്തിനുണ്ടാക്കുക. കൂടാതെ

ഹൃദ്രോഗം, പക്ഷാഘാതം, പ്രമേഹം, പുറംവേദന, കണ്ണിന്റെ പ്രശ്‌നങ്ങള്‍ തുടങ്ങി ഒട്ടനവധി പ്രശ്‌നങ്ങളും ഇവരെ കാത്തിരിക്കുന്നുണ്ട്. കൂടാതെ നീണ്ട നേരെ ഒരേയിരിപ്പില്‍ ജോലി ചെയ്യുന്നത് ഉയര്‍ന്ന രക്തസമ്മര്‍ദത്തിനും തോള്‍,നടുവ് വേദന മുതലായവയിലേക്കും നയിക്കും.അതിനാല്‍ തന്നെ ഇത്തരത്തില്‍ കമ്പ്യൂട്ടറിന് മുന്നിലിരുന്ന് ദീര്‍ഘനേരം തൊഴില്‍ ചെയ്യുന്നവര്‍ ജോലിക്കിടയില്‍ ഒരോ മണിക്കൂര്‍ കൂടുമ്പോള്‍ ഒരു ഇടവേളയെടുത്ത് എഴുന്നേറ്റ് നടക്കുകയോ ശരീരത്തിന് ചലനം നല്‍കുകയോ ചെയ്യണം.

സ്‌ട്രെച്ചിങ് വ്യായാമങ്ങളോ കഴുത്ത് കറക്കിയുള്ള ചെറു വ്യായാമങ്ങളോ ഒക്കെ ചെയ്യാം. ഇടയ്ക്ക് എഴുന്നേറ്റ് പോയി വെള്ളം കുടിക്കുകയോ മറ്റോ ചെയ്ത ശേഷം ശരീരത്തിന് അല്‍പം വ്യായാമം നല്‍കിയ ശേഷം മാത്രം കസേരയിലേക്ക് മടങ്ങുക. കൂടാതെ ഇത്തരം ജോലി ചെയ്യുന്നവര്‍ നിര്‍ബന്ധമായും ദിവസവും നടത്തം, ഓട്ടം, ജിം വര്‍ക്?ഔട്ടുകള്‍ പോലുള്ള വ്യായാമങ്ങളില്‍ ഏര്‍പ്പെടേണ്ടതാണ്.

Content Highlights:Sitting Too Much Is Bad for Your Health