മദ്രാസ് ഹൈക്കോടതിയില്‍ ഡിഗ്രിക്കാര്‍ക്ക് അവസരം; 70000 രൂപ വരെ ശമ്പളം; ഇനി വൈകരുത്; ലാസ്റ്റ് ഡേറ്റ് നാളെ

മദ്രാസ് ഹൈക്കോടതിയില്‍ വിവിധ തസ്തികകളിലേക്ക് അപേക്ഷ സമര്‍പ്പിക്കുന്നതിനുള്ള അവസാന തീയതി നാളെ (ഫെബ്രുവരി 13). ടൈപ്പിസ്റ്റ്, ടെലിഫോണ്‍ ഓപ്പറേറ്റര്‍, കാഷ്യര്‍, സെറോക്‌സ് ഓപ്പറേറ്റര്‍ എന്നീ പോസ്റ്റുകളിലേക്കാണ് റിക്രൂട്ട്‌മെന്റ്. ഡിഗ്രി യോഗ്യതയുള്ളവര്‍ക്കാണ് അവസരം. ആകെയുള്ള 33 ഒഴിവുകളിലേക്ക് ഓണ്‍ലൈനായാണ് അപേക്ഷിക്കേണ്ടത്. നല്ല ശമ്പളത്തില്‍ സ്ഥിര സര്‍ക്കാര്‍ ജോലി ആഗ്രഹിക്കുന്നവരാണ് നിങ്ങളെങ്കില്‍ ഈയവസരം പാഴാക്കരുത്.

തസ്തിക& ഒഴിവ്
മദ്രാസ് ഹൈക്കോടതിയില്‍ ടൈപ്പിസ്റ്റ്, ടെലിഫോണ്‍ ഓപ്പറേറ്റര്‍, കാഷ്യര്‍, സെറോക്‌സ് ഓപ്പറേറ്റര്‍ എന്നീ തസ്തികകളിലാണ് നിയമനം.

ടൈപ്പിസ്റ്റ് 22, ടെലിഫോണ്‍ ഓപ്പറേറ്റര്‍ 1, കാഷ്യര്‍ 2, സെറോക്‌സ് ഓപ്പറേറ്റര്‍ 8 എന്നിങ്ങനെ ആകെ ആകെ 33 ഒഴിവുകളുണ്ട്.

പ്രായപരിധി
18 മുതല്‍ 32 വയസ് വരെയുള്ളവര്‍ക്ക് അപേക്ഷിക്കാം.

യോഗ്യത
ടൈപ്പിസ്റ്റ്
ബിരുദം, ടെക്‌നിക്കല്‍ ഡയറക്ടറേറ്റ് നടത്തുന്ന കമ്പ്യൂട്ടര്‍ ഓണ്‍ ഓഫീസ് ഓട്ടോമേഷന്‍ സര്‍ട്ടിഫിക്കറ്റ് കോഴ്‌സ് പാസായിരിക്കണം. ടൈപ്പ് റൈറ്റിംഗിലെ സാങ്കേതിക പരീക്ഷ തമിഴിലും, ഇംഗ്ലീഷിലും ഹയര്‍ ഗ്രേഡില്‍ പാസാവണം.

ടെലിഫോണ്‍ ഓപ്പറേറ്റര്‍, കാഷ്യര്‍, സെറോക്‌സ് ഓപ്പറേറ്റര്‍ എന്നീ പോസ്റ്റുകളിലേക്ക് ബിരദും ഉള്ളവര്‍ക്ക് അപേക്ഷിക്കാം.

ശമ്പളം
ടൈപ്പിസ്റ്റ്, ടെലിഫോണ്‍ ഓപ്പറേറ്റര്‍, കാഷ്യര്‍ പോസ്റ്റിലേക്ക് തെരഞ്ഞെടുക്കുന്നവര്‍ക്ക് 19,500 രൂപമുതല്‍ 71,900 രൂപ വരെ ശമ്പളം.

സെറോക്‌സ് ഓപ്പറേറ്റര്‍ പോസ്റ്റില്‍ 16,600 രൂപ മുതല്‍ 60,800 രൂപ വരെ ശമ്പളം ലഭിക്കും.

അപേക്ഷ
യു.ആര്‍, ഒബിസി, വനിതകള്‍ക്ക് 500 രൂപ ഫീസടച്ചും, എസ്.സിഎസ്.ടി, പിഡബ്ല്യൂഡി വിഭാഗക്കാര്‍ക്ക് ഫീസില്ലാതെയും അപേക്ഷിക്കാം.

അപേക്ഷ സമര്‍പ്പിക്കുന്നതിനായി https://www.mhc.tn.gov.in/recruitment/login സന്ദര്‍ശിക്കുക.

അപേക്ഷിക്കുന്നതിന് മുമ്പായി താഴെ നല്‍കിയിരിക്കുന്ന ലിങ്ക് വഴി ഔദ്യോഗിക വിജ്ഞാപനം പൂര്‍ണ്ണമായും വായിച്ച് മനസിലാക്കുക. വിജ്ഞാപനം ലഭിക്കാന്‍; click here