ഈ മാസത്തെ ഏറ്റവും കുറഞ്ഞ വിലയിൽ സ്വർണം വാങ്ങാം; സ്വർണവിലയിൽ വീണ്ടും ഇടിവ്

തിരുവനന്തപുരം: സംസ്ഥാനത്ത് സ്വർണവിലയിൽ വീണ്ടും ഇടിവ്. ഇന്ന് പവന് 80 രൂപ കുറഞ്ഞു. ഇതോടെ ഒരു പവൻ സ്വർണത്തിന്റെ ഇന്നത്തെ വിപണി വില 46080 രൂപയായി. ഒരു മാസത്തെ ഏറ്റവും കുറഞ്ഞ വിലയിലാണ് ഇന്ന് സ്വർണം കച്ചവടം നടക്കുന്നത്.

320 രൂപയാണ് കഴിഞ്ഞ ആറ് ദിവസംകൊണ്ട് ഒരു പവൻ സ്വർണത്തിന് കുറഞ്ഞത്. ഒരു ഗ്രാം 22 കാരറ്റ് സ്വർണത്തിന്റെ വില 5760 രൂപയാണ്. 18 കാരറ്റ് സ്വർണം ഒരു ഗ്രാം വില 4765 രൂപയാണ്.

ഫെബ്രുവരിയിൽ ആദ്യ രണ്ട് ദിവസങ്ങളിൽ സ്വർണവില ഉയർന്നിരുന്നു. ഈ രണ്ട് ദിവസങ്ങളിലായി പവന് 200 രൂപ കൂടിയപ്പോൾ തൊട്ടടുത്ത ദിവസം 160 രൂപ കുറഞ്ഞു. ഫെബ്രുവരി 5, 6 ദിവസങ്ങളിലായി 280 രൂപ വീണ്ടും കുറഞ്ഞു. എന്നാൽ തൊട്ടടുത്ത് ദിവസം 200 രൂപ വീണ്ടും കൂടി. പിന്നീട് ഫെബ്രുവരി 8, 9 തിയ്യതികളിലായി 240 രൂപ കുറഞ്ഞു. ഇതിന് പിന്നാലെയാണ് ഇന്ന് 80 രൂപ കൂടി കുറഞ്ഞത്.

അതേസമയം, സംസ്ഥാനത്ത് വെള്ളിയുടെ വിലയിൽ മാറ്റമില്ല. ഒരു ഗ്രാമ സാധാരണ വെള്ളിയുടെ വില 77 രൂപയാണ്. ഒരു ഗ്രാം ഹാൾമാർക്ക് വെള്ളിയുടെ വില 103 രൂപയാണ്.