ഷാര്‍ജ: ഷാര്‍ജയില്‍ കാണാതായ മലയാളി ഭിന്നശേഷി വിദ്യാര്‍ത്ഥി ഫെലിക്‌സ് ജെബി തോമസിനെ (18) കണ്ടെത്തി. ശനിയാഴ്ച രാത്രി ദുബൈ എയര്‍പോര്‍ട്ട് ടെര്‍മിനല്‍-1 വഴി കുവൈത്തിലേക്ക് യാത്ര ചെയ്ത ഒരാള്‍ നല്‍കിയ വിവരത്തിന്റെ അടിസ്ഥാനത്തില്‍ ഇന്ന് (തിങ്കള്‍) ഉച്ച 12.20ന് എയര്‍പോര്‍ട്ടില്‍ നടത്തിയ തെരച്ചിലിലാണ് ഫെലിക്‌സിനെ കണ്ടെത്തിയത്. ഇക്കഴിഞ്ഞ ശനിയാഴ്ച ഷാര്‍ജ സിറ്റി സെന്ററില്‍ ഷോപ്പിംഗിനിടെയായിരുന്നു കുട്ടിയെ കാണാതായത്.
കുട്ടി ഇപ്പോള്‍ ബന്ധുക്കളോടൊപ്പമുണ്ട്. വളരെ ക്ഷീണിതനാണ്. ആവശ്യമായ ചികിത്സക്ക് ശേഷം വീട്ടിലേക്ക് കൊണ്ടു വരും. ദൈവത്തിന് നന്ദി പറഞ്ഞ കുടുംബം കുട്ടിയെ കണ്ടെത്താന്‍ സഹകരിച്ച എല്ലാവര്‍ക്കും പ്രാര്‍ത്ഥിച്ചവര്‍ക്കും പ്രത്യേകം കൃതജ്ഞതയും പ്രകാശിപ്പിച്ചു.