തൃശൂര്‍: യൂത്ത് ലീഗ് വോയ്‌സ് വാട്‌സ് ആപ്പ് കൂട്ടായ്മയുടെ നേതൃത്വത്തില്‍ നിര്‍മിച്ചു നല്‍കുന്ന ബൈത്തുറഹ്മയുടെ പ്രഖ്യാപനവും ശിഹാബ് തങ്ങള്‍ അനുസ്മരണവും ഇന്ന് പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും. രാവിലെ പത്തിന് സാഹിത്യ അക്കാദമി ചങ്ങമ്പുഴ ഹാളില്‍ നടക്കുന്ന ചടങ്ങില്‍ മുസ്‌ലിം ലീഗ് സംസ്ഥാന സെക്രട്ടറി കെ.എസ് ഹംസ മുഖ്യാതിഥിയാകും. മുസ്‌ലിം യൂത്ത്‌ലീഗ് സംസ്ഥാന പ്രസിഡന്റ് പി.എം സാദിഖലി പുരസ്‌കാര സമര്‍പ്പണവും ഷിബു മീരാന്‍ മുഖ്യ പ്രഭാഷണവും മുനീര്‍ ഹുദവി വിളയില്‍ ശിഹാബ് തങ്ങള്‍ അനുസ്മരണ പ്രഭാഷണവും നടത്തും. ഒന്‍പത് ലക്ഷം രൂപ ചെലവില്‍ യൂത്ത് ലീഗ് വോയ്‌സ് ഗ്രൂപ്പിലെ ഏറ്റവും പാവപ്പെട്ട അംഗത്തിനാണ് വീട് നിര്‍മിച്ചു നല്‍കുന്നത്. കെ.കെ ഹംസക്കുട്ടി, അലി അക്ബര്‍ കാളത്തോട്, അഷ്‌കര്‍ അലി തിരുവത്ര, ജാഫര്‍ വെളിയത്തുനാട്, ഹനീഫ ചാവക്കാട് എന്നിവര്‍ വാര്‍ത്താ സമ്മേളനത്തില്‍ സംബന്ധിച്ചു.