India issued multiple entry visas to more than 8,000 Kuwaitis

കുവൈത്ത് സിറ്റി: ഇന്ത്യൻ ടൂറിസത്തിനായുള്ള കുവൈത്തിൻറെ താൽപ്പര്യവും ആവശ്യം വർദ്ധിച്ചുകൊണ്ടിരിക്കുന്നു. 2023-ൽ കുവൈത്തികൾക്ക് 8,000-ത്തിലധികം മൾട്ടിപ്പിൾ എൻട്രി ടൂറിസ്റ്റ് വിസകൾ നൽകിയിട്ടുണ്ടെന്നും ഭാവിയിൽ ഈ എണ്ണം വർദ്ധിക്കുമെന്നും കുവൈത്തിലെ ഇന്ത്യൻ അംബാസഡർ ഡോ: ആദർശ് സ്വൈകയെ ഉദ്ധരിച്ച് അൽ-ഖബാസ് പ്രാദേശിക ദിനപത്രം റിപ്പോർട്ട് ചെയ്യുന്നു. ഇന്ത്യ അതിൻ്റെ സാംസ്കാരിക വൈവിധ്യം, അതിശയകരമായ പ്രകൃതി പരിസ്ഥിതികളുടെ ലഭ്യത, ധാരാളം ഹോട്ടലുകളും റിസോർട്ടുകളും വഴി സംയോജിത ടൂറിസം വാഗ്ദാനം ചെയ്യുന്നുവെന്ന് ഇന്ത്യൻ അംബാസഡർ ദിനപത്രത്തോട് പറഞ്ഞു.

അവന്യൂസ് മാളിൽ 'Explore, Experience and Enjoy Amazing India' 'അദ്ഭുതപ്പെടുത്തുന്ന ഇന്ത്യയെ പര്യവേക്ഷണം ചെയ്യുക, അനുഭവിക്കുക, ആസ്വദിക്കുക' എന്ന പേരിൽ ഇന്ത്യയുടെ വിനോദസഞ്ചാരത്തെ പ്രോത്സാഹിപ്പിക്കുന്നതിനുള്ള എക്‌സിബിഷൻ ഉദ്ഘാടന വേളയിലാണ് അദ്ദേഹം പ്രസ്താവന നടത്തിയത്. ടൂറിസം അഫയേഴ്‌സ് അസിസ്റ്റൻ്റ് അണ്ടർസെക്രട്ടറി ഒസാമ അൽ-മഖിയലും, ഷെയ്ഖ ഹലാ ബദറും അൽ സബാഹ് എന്നിവരും ചടങ്ങിൽ പങ്കെടുത്തു.