റിയാദ്: സഊദിയിൽ നമസ്‌കാര സമയത്ത് അടക്കാത്ത വ്യാപാര സ്ഥാപനങ്ങൾ മതകാര്യ പോലീസ് അടപ്പിക്കില്ലെന്ന് മതകാര്യ പോലീസ് മേധാവി ശൈഖ് അബ്ദുറഹ്മാൻ അൽസനദ് വ്യക്തമാക്കി. ഈ സമയത്ത് സ്ഥാപനങ്ങൾ അടക്കാത്ത പക്ഷം നിയമ ലംഘകരെ മതകാര്യ പോലീസ് ഉദ്യോഗസ്ഥൻ മൂന്നു തവണ ഉണർത്തണമെന്നാണ് പുതിയ നിയമം അനുശാസിക്കുന്നത്.

      തുടർന്നും നിയമ ലംഘനം നടത്തുന്ന പക്ഷം നിയമ ലംഘകനെ കൈകാര്യം ചെയ്യുന്നതിന് പോലീസിന് റിപ്പോർട്ട് സമർപ്പിക്കുകയാണ് മതകാര്യ പോലീസ് ഉദ്യോഗസ്ഥൻ ചെയ്യേണ്ടതെന്നും അദ്ദേഹം വ്യക്തമാക്കി.