കോഴിക്കോട്: കേന്ദ്ര-സംസ്ഥാന സര്‍ക്കാരുകളുടെ തൊഴിലാളിവിരുദ്ധ നയങ്ങള്‍ക്കതിരേ സെപ്റ്റംബര്‍ രണ്ടിന് സെറ്റോയുടെ (സ്റ്റേറ്റ് എംപ്ലോയീസ് ആന്‍ഡ് ടീച്ചേഴ്‌സ് ഓര്‍ഗനൈസേഷന്‍) ആഭിമുഖ്യത്തില്‍ പണിമുടക്ക് നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
ഇതിന് മുന്നോടിയായി 20ന് വൈകിട്ട് പബ്ലിക് ലൈബ്രറിക്ക് സമീപം സായാഹ്ന ധര്‍ണ നടത്തും.
വാര്‍ത്താസമ്മേളനത്തില്‍ ജില്ലാ കണ്‍വീനര്‍ എന്‍. ശ്യാംകുമാര്‍, എന്‍.ജി.ഒ അസോസിയേഷന്‍ വൈസ് പ്രസിഡന്റ് സി. പ്രേമവല്ലി, കെ.പി.എസ്.ടി.എ ജില്ലാ സെക്രട്ടറി പി.കെ അരവിന്ദന്‍, എ.എച്ച്.എസ്.ടി.എ ജില്ലാ പ്രസിഡന്റ് സെബാസ്റ്റ്യന്‍ ജോണ്‍, ഇ. ഷമീല്‍ (കെ.പി.ഇ.ഒ) പങ്കെടുത്തു.