കുറുവിലങ്ങാട്: നായ കുറുകെ ചാടിയതിനെത്തുടര്‍ന്ന് നിയന്ത്രണം വിട്ട ഓട്ടോറിക്ഷ മറിഞ്ഞ് വനിതാ ഡ്രൈവര്‍ മരിച്ചു. ഉഴവൂര്‍ കരിനെച്ചി ശങ്കരാശേരിയില്‍ സോമന്റെ ഭാര്യ വിജയമ്മ(50) ആണ് മരിച്ചത്.

ഇന്നു രാവിലെ രണ്ട് യാത്രക്കാരുമായി കൂത്താട്ടുകുളം ഭാഗത്തേക്ക് പോകുമ്പോഴായിരുന്നു അപകടം. റോഡില്‍ തെറിച്ചുവീണ വിജയമ്മയുടെ ദേഹത്തേക്ക് ഓട്ടോറിക്ഷ വീഴുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. യാത്രക്കാര്‍ പരുക്കേല്‍ക്കാതെ രക്ഷപ്പെട്ടു.