മുംബൈ: കാര്‍ നിയന്ത്രണം വിട്ട് മരത്തിലിടിച്ച് അഞ്ചു പേര്‍ മരിച്ചു. നാലു പുരുഷന്‍മാരും ഒരു യുവതിയുമാണ് മരിച്ചവര്‍. വെസ്റ്റേണ്‍ എക്‌സ്പ്രസ് വേയില്‍ വിലെ പാര്‍ലെയിലാണ് സംഭവം. മുംബൈ വിമാനത്താവളത്തിന് സമീപമാണ് അപകടം നടന്ന സ്ഥലം.

അമിതവേഗതയായിരിക്കാം അപകടത്തിന് കാരണമെന്ന് പൊലിസ് അധികൃതര്‍ അറിയിച്ചു. അപകടത്തില്‍ കാറിന്റെ മേല്‍ഭാഗം പൂര്‍ണമായും തകര്‍ന്നു.
സംഭവത്തില്‍ മരണപ്പെട്ട നാലു തിരിച്ചറിഞ്ഞതായി അധികൃതര്‍ അറിയിച്ചു. കാറുടമയായ മുസമ്മില്‍ മഖ്‌നുജിയ, മുസമ്മില്‍ മുഖ്താര്‍ കനോസിയ (22), റാഷിദ യൂസുഫ് ശെയ്ഖ്, ജുനൈദ് ശെയ്ഖ് (22) എന്നിവരാണിവര്‍. മിറ റോഡിലാണ് ഇവരുടെ വസതികള്‍.