ദമ്മാം: ശമ്പളം കിട്ടാത്തതിനെതുടര്‍ന്ന് വനിതാ തര്‍ഹീലില്‍ അഭയം തേടിയ മലയാളി യുവതി ജീവകാരുണ്യപ്രവര്‍ത്തകരുടെ ഇടപെടലിനെത്തുടര്‍ന്ന് നിയമനടപടികള്‍ പൂര്‍ത്തിയാക്കി നാട്ടിലേക്ക് മടങ്ങി. പത്തനംതിട്ട ജില്ലയിലെ എളംഗമംഗലം സ്വദേശിനിയായ വത്സല കുഞ്ഞിക്കുട്ടിയാണ് ജീവകാരുണ്യ പ്രവര്‍ത്തകരുടെ സഹായത്തോടെ പോരാടി നാട്ടിലേക്ക് പോകാന്‍ അവസരമൊരുങ്ങിയത്. സ്വദേശിയുടെ വീട്ടില്‍ നാല്  വര്‍ഷം മുന്‍പ് ജോലിക്കെത്തിയ ഇവര്‍ അവസാനം ശമ്പള കുടിശികയും ആനുകൂല്യങ്ങളുമായാണ് നാട്ടിലേക്ക് തിരിച്ചത്.
          മൂന്നര വര്‍ഷം  ദമാമില്‍ സ്വദേശി പൗരന്റെ വീട്ടില്‍ വീട്ടുജോലി ചെയ്‌തെങ്കിലും, രണ്ടു വര്‍ഷത്തെ ശമ്പളമേ നല്‍കിയിരുന്നുള്ളൂ. ഇഖാമ പുതുക്കാനോ നാട്ടിലേക്ക് അവധിക്ക് അയക്കാനോ സ്‌പോണ്‍സര്‍ തയാറായിരുന്നില്ല. ഒടുവില്‍ അഞ്ചു മാസങ്ങള്‍ക്ക് മുന്‍പ് വത്സല, വീട്ടുകാരുടെ കണ്ണ് വെട്ടിച്ച് പുറത്തു ചാടുകയും, അടുത്തുള്ള പൊലിസ് സ്റ്റേഷനില്‍ പോയി പരാതി പറയുകയും ചെയ്തു. പൊലിസാണ് ഇവരെ തര്‍ഹീലില്‍ (അഭയകേന്ദ്രം)  എത്തിച്ചത്.
നിയമനടപടികള്‍ പൂര്‍ത്തിയാക്കിയപ്പോള്‍ തന്നെ സഹായിച്ച എല്ലാവര്‍ക്കും നന്ദി പറഞ്ഞാണ് വത്സല നാട്ടിലേയ്ക്ക് മടങ്ങിയത്.