കാസര്‍കോട്: മുസ്‌ലിം ലീഗ് ചെങ്കള പഞ്ചായത്ത് പ്രസിഡണ്ട് ചെങ്കള റഹ്മത്ത് നഗറിലെ ബി.കെ അബ്ദുസ്സമദ് (61) അന്തരിച്ചു. എസ്. ടി.യു സംസ്ഥാന പ്രവര്‍ത്തക സമിതി അംഗം, കാസര്‍കോട് ജില്ലാ വൈസ് പ്രസിഡണ്ട്, നിര്‍മാണ തൊഴിലാളി ഫെഡറേഷന്‍ സംസ്ഥാന ട്രഷറര്‍ തുടങ്ങിയ നിലകളില്‍ പ്രവര്‍ത്തിച്ചു വരികയായിരുന്നു.

പരേതരരായ മുഹമ്മദ്, ദൈനബി എന്നിവരുടെ മകനാണ്. സഫിയയാണ് ഭാര്യ. മഷൂന, മനാഷിദ്, മംഷീന, മസാന മക്കളാണ്. മരുമക്കള്‍: ഖാലിദ് ബദ്രിയ മാര, ഷംന. വെള്ളിയാഴ്ച വൈകിട്ടോടെ റഹ്മത്ത് നഗര്‍ മസ്ജിദില്‍ ഖബറടക്കും.